Gəncədə məcburi köçkünlərlə görüş baş tutub. Bu haqda 13 iyul tarixində Qərbi Azərbaycan İcmasına istinadən məlumat veririk.
Tədbir Qərbi Azərbaycan İcması Meğri rayon İcmasının təşkilatçılığı ilə keçirilib. Görüş Yeni Azərbaycan Partiyasının Gəncə Təşkilatının inzibati binasında təşkil olunub. Buraya Qərbi Zəngəzurdan deportasiya edilən və şəhərimizdə məskunlaşan sakinlər qatılıblar.
Görüşdə Meğridən deportasiya olunmuş İlqar Cabbarov doğulub-yaşadığı rayondan zorla çıxarılarkən başlarına gələn hadisələrdən danışıb, Qərbi Azərbaycan İcmasının ətrafında təşkilatlanmaqla ata-baba yurdlarına qayıtmağa böyük ümidlərinin olduğunu bildirib.
Sonra YAP-nin Gəncə Təşkilatının sədri Bayram Aslanov, Gəncə Dövlət Universitetinin humanitar məsələlər üzrə prorektoru dosent Gülsüm Fətəliyeva, professor və müəllimlər, Nüvədi və Aldərə kənd sakinləri çıxış ediblər. Onlar Qərbi Azərbaycanla bağlı xatirələrini bölüşüblər.
