Qəzaya düşən şəxs Gəncədə xəstəxanada dünyasını dəyişib. Bu haqda 18 iyul tarixində Report-a istinadən məlumat veririk.
Goranboy rayonunun Veyisli kəndində yol-nəqliyyat hadisəsi baş verib. Avtomobil 40 yaşlı Əhməd Ərəbovu vurub. Nəticədə piyada xəsarət alıb.
O, Gəncədə özəl xəstəxanalardan birinə yerləşdirilib. Lakin həkimlərin müdaxilələrinə baxmayaraq, dünyasını dəyişib.
Qəzanı törədən sürücü hadisə yerindən yayınıb. Polis əməkdaşlarının keçirdikləri əməliyyatlar nəticəsində sürücü T. Şamilov saxlanılaraq istintaqa təhvil verilib.
