Gəncədə ödənişsiz məşğələlər təşkil olunacaq. Bu haqda Gencexeber.az-a 3 iyul tarixində məlumat daxil olub.
Şəhid Hacı Rauf adına Təhsil və Gənclik Mərkəzi sosial aksiya elan edib. Burada ingilis dilini öyrənmək və yay tətilini səmərəli keçirmək istəyən məktəblilər üçün ödənişsiz dərslər keçiriləcək. Məşğələlərə yalnız 5 və 6-cı sinif şagirdləri qatıla bilərlər.
Təşəbbüsdən yararlanmaq istəyən şəxslər (051) 215 60 49 nömrəsi ilə əlaqə saxlayaraq qeydiyyatdan keçməlidirlər. Yerlər məhdud saydadır.
Qeyd edək ki, Şəhid Hacı Rauf adına Təhsil və Gənclik Mərkəzi Hacı Əli Hüseynzadə küçəsi, 4 ünvanında yerləşir.
