Gəncədə tarix müəllimi dünyasını dəyişib. Bu haqda Gencexeber.az-a 11 iyul tarixində məlumat daxil olub.
Bu gün, iyulun 11-də Hüseyn Əsgər oğlu Zahidov 72 yaşında vəfat edib. Mərhum sağlığında Əməkdar müəllim adına layiq görülüb.
O, 2 sentyabr 1950-ci ildə Masallı rayonunun Xırmandalı kəndində anadan olub. 1971-ci ildə Gəncəyə gələrək burada əmək fəaliyyətinə başlayıb. 1977-ci ildən isə tarix müəllimi işləyib. Əmək fəaliyyətinin son illərini 34 nömrəli məktəbdə keçirib.
Hüseyn Zahidov 2002-ci ildə “Respublikanın ən yaxşı tarix müəllimi”, 2007-ci ildə isə “Əməkdar müəllim” adlarını alıb. O, fənn olimpiadasının tarix üzrə sədri olub. Mərhum 24 kitabın müəllifidir.
