Gəncədə sahibkarlar üçün növbəti təlim təşkil olunub. Bu haqda 7 iyul tarixində Gəncə KOBİM-ə istinadən məlumat veririk.
"Aqrar sığorta" mövzusunda maarifləndirici təlim Gəncə KOB İnkişaf Mərkəzi (KOBİM) tərəfindən keçirilib. Burada 18 nəfər iştirak edib. KOBİM-in eksperti tərəfindən sığorta məbləğinin müəyyən edilməsi, sığorta predmeti və müqavilənin bağlanması, eləcə də sığorta hadisəsi zamanı tələb olunan sənədlər barədə ətraflı məlumat verilib. Həmçinin aqrar sığorta mexanizmi, onun iş prinsipi və inkişaf perspektivləri, bu sahədə işin səmərəli təşkili haqda danışılıb.
Sonda iştirakçıların mövzu ilə bağlı sualları cavablandırılıb.
