Gəncədə Kiçik və Orta Biznesin İnkişafı Agentliyinin (KOBİA) təşkilatçılığı ilə tədbir keçiriləcək. Bu haqda 24 iyul tarixində KOBİA-ya istinadən xəbər veririk.
6-8 avqust tarixlərində “KOB FEST” sərgi-satış yarmarkası baş tutacaq. Yarmarkada məhsul və xidmətlərini təqdim etmək istəyən KOB subyektləri 31 iyul tarixinədək Agentliyin saytındakı müvafiq formanı doldurmaqla müraciət etməlidirlər. Qeydiyyatdan keçərkən “İştirak etmək istədiyiniz tədbir” bölümündə “KOB Fest – Gəncə” qeyd olunmalıdır.
Mikro və kiçik sahibkarların yarmarkada iştirak etməsi üçün ödəniş nəzərdə tutulmur. Tədbirin məqsədi KOB subyektlərinin istehsal etdiyi məhsul və xidmətləri tanıtmaq və onların satış imkanlarını genişləndirməkdir. Yarmarka çərçivəsində mədəni-əyləncəli proqram da olacaq.
