Gəncə şəhərində işıqfor və yol nişanı yararsız hala düşüb. Bu haqda 3 iyul tarixində Avtosfer.az-a istinadən xəbər veririk.
Söhbət Heydər Əliyev prospektindəki işıqfor və yol nişanından gedir. Ərazidə baş vermiş yol-nəqliyyat hadisəsi nəticəsində işıqfor qırılıb. Sakinlərin sözlərinə görə, məsələ ilə bağlı aidiyyəti quruma müraciət edilib.
DİN-in regional qrupunun baş inspektoru Eşqin Qasımov bildirib ki, sözügedən ərazidə ötən gün qəza baş verib. “VAZ-2104” markalı maşını idarə edən sürücü idarəetməni itirərək avtomobili yol kənarındakı işıqfora və yol nişanına çarpıb. Onun sözlərinə görə, əraziyə baxış keçirilib və qırılan işıqforun təmirinə başlanılıb.
