Gəncədə ustad dərsi təşkil olunub. Bu haqda 15 iyul tarixində Gənclər Evinə istinadən məlumat veririk.
Şəhərimizdə ilk dəfə olaraq, "Wearable Art" geyim üzərində rəsm sərgisi keçirilib. Burada müxtəlif geyimlər üzərində Akril boyası ilə rəsmlər çəkilmiş geyimləri gənclər geyinərək nümayiş ediblər.
Sərgidə qonaq qismində Regional Gənclər və İdman İdarəsinin Gənclərlə iş sektorunun müdiri Rəşad Əlizadə, Kiçik və Orta Biznesin İnkişafı Agentliyindən (KOBİA) Anar Əliyev və Süleyman Tağıyev, Gənclər Evinin Metodisti Şəhriyar Hacıyev, Uşaq-Gənclər İnkişaf Mərkəzinin dərnək rəhbəri Mehri Əliyeva Iştirak ediblər.
Tədbirin sonunda qonaqlar layihə ilə bağlı müxtəlif fikirlər bildiriblər. Həmçinin gənclərə sertifikatlar təqdim edilib.
