Gəncədə güclü küləyin törətdiyi fəsad aradan qaldırılmayıb. Bu haqda Gencexeber.az-a 5 iyul tarixində məlumat daxil olub.
Söhbət şəhərin Nizami və Atatürk prospektlərinin kəsişməsinin yaxınlığından gedir. Mərkəzi Univermağın yanında hasar funksiyasını yerinə yetirən dəmir listlər güclü külək nəticəsində aşıb.
Sakinlər bildirirlər ki, bu hal yarım aydan çoxdur davam edir. Həmin əraziyə bəzi insanlar tərəfindən müxtəlif tullantılar atılıb. Nəticədə orada natəmizlik və xoşagəlməz görüntü yaranıb.
Şəhər əhalisi hasarın bərpa olunmağını və ərazinin təmizlənməsini istəyir.
Qeyd edək ki, burada 11, 20, 20A və s. marşrut xətlərinin dayanacağı yerləşir.
[modula id="40237"]
