Gəncədə Uşaq Evi ziyarət olunub. Bu haqda 27 iyun tarixində Kəpəz televiziyasına istinadən məlumat veririk.
Ziyarət Bərdədəki N saylı hərbi hissənin və Füzuli Dövlət Dram Teatrının birgə təşkilatçılığı ilə baş tutub. Tədbirdə azyaşlıların ifasında mahnılar səsləndirilib, səhnəciklər nümayiş etdirilib. Hərbi qulluqçular Uşaq Evinin sakinlərinə hədiyyələr bağışlayıblar.
Ziyarət çərçivəsində qonaqlar xüsusi qayğıya ehtiyacı olan və valideyn himayəsindən məhrum qalan uşaqların problemləri ilə maraqlanıblar. Görüş Füzuli Dövlət Dram Teatrının əyləncəli proqramı ilə başa çatıb.
