Gəncədə növbəti məzun günü keçirilib. Bu haqda 29 iyun tarixində İcra Hakimiyyətinə istinadən məlumat veririk.
Tədbir Gəncə Dövlət Universitetində baş tutub. Burada icra başçısı Niyazi Bayramov, Türkiyənin Gəncədəki Baş konsulu Recep Öztop, GDU-nun rektoru Yusif Yusibov, YAP Gəncə Şəhər Təşkilatının sədri Bayram Aslanov, İcra Hakimiyyəti başçısı Aparatının məsul əməkdaşları, Vətən müharibəsi iştirakçıları, şəhid valideynləri, ali təhsil müəssisəsinin professor-müəllim heyəti və tələbələr iştirak ediblər.
Daha sonra rəsmilərin çıxışları olub. Onlar məzunları təbrik edərək müvəffəqiyyətlər arzulayıblar, gənclərə ölkəmizin daha da inkişaf etməsi və güclənməsi üçün əzmlə, ləyaqətlə, fədakarlıqla çalışmağı tövsiyə ediblər. Daha sonra təhsildə göstərdikləri yüksək nəticələrə və ictimai işlərdə fəal iştiraka görə bir qrup məzuna Fəxri Fərman, həmçinin məzun valideynlərinə təşəkkür məktubu təqdim olunub.
Tədbir konsertlə davam edib və atəşfəşanlıqla yekunlaşıb.
