Gəncədə gənclər üçün təlim təşkil olunacaq. Bu haqda 10 iyul tarixində Gəncə Amerika Mərkəzinə istinadən məlumat veririk.
“Gənclərin media savadlılığının inkişafına dəstək” adlı təlim 15-25 yaş arasında gənclər üçün nəzərdə tutulub. Burada orta məktəbin yuxarı sinif şagirdləri və universitet tələbələri də iştirak edə bilərlər. Məşğələlər 13-14 iyul tarixlərində ABŞ səfirliyinin dəstəyi ilə təlimçi Əhəd Əhədli tərəfindən aparılacaq.
Təlimlərdə saxta xəbərlər, zərərləri, onlara qarşı necə mübarizə aparmalı olduğumuz haqqında məlumat veriləcək, müxtəlif interaktiv oyunlar oynanılacaq. Bundan əlavə, gənclərə hansı onlayn alətlərdən istifadə edərək saxta videoları və şəkilləri yoxlayacaqları öyrədiləcək. Həmçinin onlara videoresurslar, Azərbaycan dilində hazırlanan materiallar təqdim ediləcək.
Sonda fəal iştirakçılara onlayn təlimlərdə iştirak edərək bacarıqlarını artırmaq imkanı yaradılacaq, onlar media savadlılığının elementlərini daha dərindən öyrənəcəklər.
Qatılmaq istəyən şəxslər qeydiyyatdan keçməlidirlər.
