Gəncədəki uşaq evində sosial təşəbbüs həyata keçirilir. Bu haqda Gencexeber.az-a 6 iyul tarixində məlumat daxil olub.
Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, “Kimsəsiz Uşaqların Sosial Müdafiəsi” İctimai Birliyinin təşkilatçılığı ilə Gəncə Uşaq Evində “Valideynlərini itirmiş və valideyn himayəsindən məhrum olmuş uşaqların psixoloji reabilitasiyası” adlı layihə start götürüb. Proqram üç ay davam edəcək. Burada valideyn himayəsindən məhrum olan uşaqlara ixtisaslı psixoloq tərəfindən psixoloji reabilitasiya xidməti göstərilir.
Layihədə ümumilikdə 12 mövzu əhatə olunur. Hər seansın mövzusu fərqlidir. Onlardan biri də “Uşaqlarda nitq problemlərini yaradan səbəblərin aşkar edilməsi və aradan qaldırılması”dır. Bu seans uşaqların nitqində və psixikasında geriləmənin qarşısını almaq, yaşıdları ilə ünsiyyət qurmalarını asanlaşdırmaq və digər müsbət nəticələr üçün həyata keçirilir.
