Gəncə prospektlərinin yollarında çökəkliklər əmələ gəlib, kanalizasiya quyusu isə dəmir parçası ilə örtülüb. Bu haqda Gencexeber.az-a 22 dekabr tarixində məlumat daxil olub.
Şəhərin Atatürk prospektində, "Azərin" mağazasının qarşısında yol çöküb. Oradan 40-50 metr məsafədə isə kanalizasiya quyusunun ətrafında mövcud çökəklik nəqliyyat axınının sürətini azaldır.
Sakinlərin sözlərinə görə, prospektin bu hissəsində hərəkət bir tərəfli istiqamətdə təşkil olunub. Lakin ictimai nəqliyyat mərşrutları əks istiqamətdə fəaliyyət göstərirlər. Bu zaman orada bir sıra çətinliklər ortaya çıxır.
Heydər Əliyev və Şah İsmayıl Xətai prospektlərinin kəsişməsində isə kanalizasiya quyusu dəmir parçası ilə örtülüb. Sözügedən hal "Azərittifaq" adlandırılan ərazidə müşahidə edilir.
Sakinlər söyləyirlər ki, dəmir "list" iki gün öncə quyunun ağzına yerləşdirilib. Fotomaterialda onun çökməsi görülür.
Xatırladaq ki, Heydər Əliyev prospektində aparılan təmir işləri haqda xəbər vermişdik.
[caption id="attachment_7193" align="alignnone" width="300"]
Foto Gencexeber.az[/caption]
[caption id="attachment_7194" align="alignnone" width="300"]
Foto Gencexeber.az[/caption]
