Qeyri-Hökumət Təşkilatlarına Dövlət Dəstəyi Agentliyinin dəstəyi ilə “Dialoq və İnkişaf Naminə” İctimai Birliyi tərəfindən icra olunan “Qərbi Azərbaycana qayıdış” layihəsi çərçivəsində universitetlərin birində tədbir olub. Bu haqda 3 iyul tarixində GDU-ya istinadən xəbər veririk.
Tədbirdə Qərbi Azərbaycanla bağlı videoçarx nümayiş olunub. Burada Azərbaycan torpaqlarında Ermənistanın uzun illər ərzində həyata keçirdiyi etnik təmizləmə, soyqırım və deportasiya siyasəti barədə danışılıb.
Daha sonra Azərbaycan Rəssamlar İttifaqının üzvü, tanınmış rəssam Cavanşir Məmmədovun Qərbi Azərbaycanın füsunkar təbiətinə həsr etdiyi rəsm əsərləri haqqında məlumat verilib. Rəsm əsərinin müəllifinə gənc nəslin vətənpərvər ruhda yetişməsində göstərdiyi xidmətlərinə görə “Dialoq və İnkişaf Naminə” İctimai Birliyi tərəfindən Fəxri Fərman təqdim edilib.
