Gəncədə səyyar görüş keçirilib. Bu haqda 15 iyul tarixində İcra Hakimiyyətinə istinadən məlumat veririk.
Şəhər üzrə məşğulluğa kömək göstərən əlaqələndirmə komitəsinin “Gəncə İdman Sarayı”nın tikintisində çalışan işçilərlə görüşü baş tutub. Burada icra başçısının müavini Adil Tağıyev, şəhər Statistika İdarəsinin, Dövlət Məşğulluq Agentliyinin Gəncə-Daşkəsən Məşğulluq filialının, Dövlət Sosial Müdafiə Fondunun Gəncə-Daşkəsən Regional filialının, bələdiyyələrin və tikilməkdə olan “Gəncə İdman Sarayı”nın tikintisini həyata keçirən podratçı müəssisənin nümayəndələri iştirak ediblər.
Müzakirələrdə işsizliyin azaldılması məqsədilə işaxtaran və ya işsiz şəxslərə müvafiq bilik və bacarıq verməklə qısa müddətdə əmək bazarının tələblərinə cavab verən ixtisaslı kadrların hazırlanmasında peşə hazırlığının əhəmiyyətindən danışılıb. Qeyri-formal məşğulluğun qarşısının alınması istiqamətində qanunvericilikdə nəzərdə tutulan imkanlar və sanksiyalardan danışılıb.
