Gəncədəki parkların biri işıqlandırılmır. Bu haqda Gencexeber.az-a 6 iyul tarixində məlumat daxil olub.
Söhbət şəhərin Füzuli parkından gedir. Xatırladaq ki, keçən il parkın işıqsız qalması barədə məlumat vermişdik. Məsələ ilə bağlı aidiyyəti qurumun əməkdaşları cəlb ediliblər. Parkda işıqlandırma sistemi bərpa edilib. Lakin sakinlərin sözlərinə görə, parkın ərazisi hal-hazırda da axşam saatlarında işıqlandırılmır. Onlar bu vəziyyətdən narahat olduqlarını bildirirlər.
“Hava qaralan kimi park zülmətə bürünür. Axşam saatlarında burada vaxt keçirib, dincələ bilmirik, məcbur çıxıb getməli oluruq. İstəyirik ki, parkımız işıqlandırılsın, həmçinin uşaqların da parkda əylənmələri təhlükəsiz olsun”, – deyə sakinlər qeyd ediblər.
