Gəncədə iki şagird təhsilini xüsusi qaydada alıb. Bu haqda 3 iyul tarixində Regional Təhsil İdarəsinə istinadən məlumat veririk.
2023-2024-cü tədris ilində fərdi təhsil üzrə məzun olan şəxslərlə görüş keçirilib. Onlar 40 nömrəli tam orta məktəbin şagirdi Ramil Həsənov və 44 nömrəli məktəb-liseyin şagirdi Arzu İsmayılovadır. Məzunlara təhsil aldıqları barədə arayış təqdim olunub.
Sözügedən şagirdlər müxtəlif səbəblərdən uzun müddət təhsildən kənarda qaldıqları üçün fərdi təhsil formasına keçid etmişdilər.
Qeyd edək ki, Gəncə-Daşkəsən Regional Təhsil İdarəsinin tabeliyində fəaliyyət göstərən ümumi təhsil müəssisələrində 57 şagird fərdi təhsilə cəlb olunub.
