Gəncədə təlim baş tutub. Bu haqda 5 iyul tarixində İcra Hakimiyyətinə istinadən məlumat veririk.
"Dövlət qulluqçuları üçün korrupsiyaya qarşı mübarizə və etik davranış qaydaları" mövzusunda təlim “Konstitusiya” Araşdırmalar Fondu tərəfindən keçirilib. Tədbir İcra Hakimiyyətinin inzibati binasında təşkil olunub. Burada İcra Hakimiyyəti başçısı Aparatında çalışan bir qrup dövlət qulluqçuları iştirak ediblər.
Təlimdə Araşdırmalar Fondunun prezidenti Əlimməmməd Nuriyev korrupsiya anlayışı, korrupsiya ilə əlaqədar hüquqpozmaların subyektləri və növləri, həmçinin korrupsiya hüquqpozmalarına görə məsuliyyət və mübarizə metodları haqqında məlumat verilib. Ölkəmizdə korrupsiyaya qarşı mübarizədə beynəlxalq təcrübə və əldə edilən nailiyyətlər, dövlət qulluqçularının etik davranış qaydaları, onların əhəmiyyəti və tətbiqi ilə bağlı məsələlər barədə danışılıb.
Sonda iştirakçıları maraqlandıran suallar cavablandırılıb.
