Gəncədə küçələrin birində kanalizasiya quyusu daşır. Bu haqda Gencexeber.az-a 10 iyul tarixində məlumat daxil olub.
Söhbət Üzeyir Hacıbəyli küçəsi, 119 ünvanından gedir. Burada evlərin qarşısında olan kanalizasiya quyusu daşır. Sakinlərin sözlərinə görə, bu hal yay aylarının əvvəlindən başlayıb.
Çirkab küçə boyunca axaraq gölməçələr yaradıb. Ərazidə hərəkət çətinləşib. Onlar kanalizasiyanın daşması səbəbindən xoşagəlməz qoxunun yayıldığını deyiblər.
“Ətrafa yayılan xoşagəlməz qoxu səbəbindən küçədən keçmək olmur. Uşaqlarımız həyətə düşə bilmirlər. Aidiyyəti qurumlara müraciət etsək də, gəlib düzəltməyiblər”, – deyə sakinlər qeyd ediblər.
