Gəncədə bir qrup sakin yaşadıqları ərazidə problemlərlə qarşılaşıb. Bu haqda 11 iyul tarixində ARB-yə istinadən məlumat veririk.
Söhbət şəhərin Cavad bəy Şıxlinski küçəsinin 1-ci döngəsindən gedir. Burada yaşayan vətəndaşların bəzi problemləri var. Onların sözlərinə görə, küçə boyunca çəkilmiş qaz borusu alçaqdan keçir və ağaclardan birini iki hissəyə bölüb.
“Külək əsəndə evdə qorxudan yata bilmirik. Ağac ikiyə ayrılır, qopub aşma təhlükəsi var”, - deyə sakinlər bildiriblər.
Bundan başqa, onları küçə itləri narahat edir. Vətəndaşların sözlərinə görə, sahibsiz canlıların çox sayda olması əhalini qorxuya salır.
Həmçinin küçənin dar olması səbəbindən buraya maşınlar daxil olmaqda çətinlik çəkir, ərazidə kanalizasiya sistemi yoxdur.
Sakinlər aidiyyəti qurumlara dəfələrlə müraciət ediblər, lakin heç bir tədbir görülməyib.
