Şəhid Haxverdiyev Novruzun ikinci ildönümü qeyd olunub.
İldönümündə şəhidimizin ailə üzvləri, qohum-əqrəbası, dost-tanışları, qazilər, orta məktəb şagirdləri və Daşkəsənin icra nümayəndəsi iştirak ediblər.
Novruz Haxverdiyev 25 mart 1996-cı ildə Daşkəsən rayonunun Alunitdağ qəsəbəsində Əli Haxverdiyevin dörduşaqlı ailəsində anadan olub. 2002-2013-cü illərdə Daşkəsən rayon Alunitdağ qəsəbə tam orta məktəbində təhsil alıb.
İgidimiz 2014-cü ildə Səfərbərlik və Hərbi Xidmətə Çağırış üzrə Dövlət Xidmətinin Daşkəsən rayonu üzrə Hərbi Komissarlığı tərəfindən hərbi xidmətə çağırılıb. Vətən müharibəsində döyüşən Novruz Murovdağın azadlığı uğrunda gedən döyüşlərdə vuruşub. Novruz Haxverdiyev 2 oktyabr 2020-ci ildə Murovdağ istiqamətində döyüş tapşırığının yerinə yetirilməsi zamanı həlak olub. Uzun müddət nəşi tapılmayan Novruzun Müdafiə Nazirliyi tərəfindən axtarışları başlayıb. Nəticədə Haxverdiyevin nəşi 13 yanvar 2021-ci ildə tapılaraq Gəncə Şəhidlər xiyabanında dəfn edilib.
Novruz Haxverdiyev ölümündən sonra "Vətən uğrunda" və "Kəlbəcərin azad olunmasına görə" medalları ilə təltif olunub.
