Gəncə Şəhər Birləşmiş Xəstəxanasında tədbir baş tutub. Bu haqda 2 iyul tarixində ŞBX-yə istinadən xəbər veririk.
Tədbir Azərbaycan Polisi Günü ilə əlaqədar keçirilib. Müəssisənin direktoru İlkin İsmayılov müəssisədə çalışan polis əməkdaşlarını peşə bayramı münasibətilə təbrik edib.
Daha sonra polis orqanlarının dövlətimizin milli maraqlarının müdafiəsində mühüm rol oynayaraq inkişaf etdiyini, ictimai təhlükəsizliyin qorunmasında yüksək nəticələr və zəngin təcrübə qazandığını bildirib. Tədbirin yekununda xidmətdə fərqlənən bir qrup polis əməkdaşlarına təşəkkürnamə təltif edilib.
