Gəncədə yerləşən Azərbaycan Texnologiya Universiteti Avropa Komissiyasının Erasmus+ proqramının iki beynəlxalq layihəsində iştirak etmək hüququ qazanıb. Bu haqda 16 iyul tarixində ATU-ya istinadən xəbər veririk.
Birinci layihə “Azərbaycan, Gürcüstan və Qazaxıstanda optik şəbəkələr və optik kommunikasiyalar üzrə ali təhsil müəssisələrinin monitorinq və idarəetmə potensiallarının artırılması” (OPTİFY) adlanır. Bu ixtisas üzrə müasir səriştələrə və bacarıqlara malik kadr hazırlığı yerinə yetiriləcək, akademik heyətin qabaqcıl Avropa ali təhsil müəssisələrində müvafiq məzmun və müasir tədris üsulları üzrə təlimi yerinə yetiriləcək.
Digər layihə “Təhsil və innovasiya vasitəsilə ikili “yaşıl” və rəqəmsal keçidin təşviq edilməsi” (GreenTech Horizons) adlanır, yaşıl keçid və rəqəmsal transformasiya dövründə mühəndislik və idarəetmə bacarıqlarını gücləndirmək məqsədi daşıyır. Layihənin koordinatoru Novi Sad Universitetidir (Serbiya).
