Gəncədə Azərbaycan Dövlət Aqrar Universitetində beynəlxalq ikili diplom proqramı layihəsində təhsil alan tələbələr və onların valideynləri ilə görüş keçirilib. Bu haqda 18 iyul tarixində ADAU-ya istinadən xəbər veririk.
Görüşdə çıxış edən universitetin rektoru Zəfər Qurbanov valideynlərin suallarını cavablandırıb, fikir və təkliflərini dinləyib. Daha sonra çıxış edən valideynlər övladlarının mükəmməl formada təhsil alması üçün yaradılan şəraitə görə ölkə rəhbərliyinə öz minnətdarlıqlarını bildiriblər.
Sonda təhsildə əldə etdiyi nailiyyətlərə və fəallığına görə seçilən bir qrup tələbəyə və onların valideynlərinə təşəkkürnamələr təqdim olunub.
