Gəncədə təqdimat mərasimi keçirilib. Bu haqda 17 iyul tarixində “Matanat A” şirkətinə istinadən məlumat veririk.
Tədbir “MUTLU USTAM” Qrupu tərəfindən təşkil olunub. Burada "MATANAT A" şirkətlər qrupunun istehsal etdiyi boya məhsulları təqdim edilib. Mərasimdə Müştəri Loyallığı şöbəsinin müdiri Əkbər Dostumalıyev şirkətin inkişaf yolu və gələcək məqsədləri haqda danışıb. Eyni zamanda “ROKOL”, “MUTLU” boyaları və “MİRVANA” dekorativ boya məhsulları haqqında ustalara ətraflı məlumat verilib.
Daha sonra kluba üzv olan ustaların iştirakı ilə master-klas baş tutub. Onlar şirkətin istehsal etdiyi məhsulları test edərək keyfiyyəti ilə daha yaxından tanış olub, fikirlərini bildiriblər.
Həmçinin müsabiqə təşkil olunub. Sonda 3 iştirakçı televizor, 2-si telefon, 5-i usta ləvazimatları, digər 5-i isə Rokol boya məhsulları ilə mükafatlandırılıblar.
Bundan başqa, bütün iştirakçılara həvəsləndirici hədiyyələr təqdim olunub.
