Azərbaycan Respublikasının İnsan Hüquqları üzrə Müvəkkilinin (Ombudsman) Qərb Regional Mərkəzinin əməkdaşları tərəfindən Gəncədə tədbir olub. Bu haqda 1 iyul tarixində Ombudsman.az-a istinadən xəbər veririk.
2 saylı İstintaq Təcridxanasında “Ombudsmanın Milli Preventiv Mexanizm mandatı işgəncələrin qarşısının alınmasında mühüm vasitə kimi” mövzusunda hüquqi maarifləndirici tədbir keçirilib. Burada ombudsmanın Qərb Regional Mərkəzinin rəhbəri S.Abbasov Müvəkkilin MPM mandatı, həbs yerlərində saxlanılan şəxslərin, qadınların hüquq və azadlıqlarının müdafiəsi istiqamətində həyata keçirdiyi fəaliyyəti barədə məlumat verib.
Daha sonra “Azərbaycan Respublikasının İnsan hüquqları üzrə müvəkkili (ombudsman) haqqında” Konstitusiya Qanununa edilmiş son dəyişikliklər tədbir iştirakçılarının diqqətinə çatdırılıb. Yekunda mövzu üzrə iştirakçıları maraqlandıran suallar cavablandırılıb.
