Yeni icra başçısı bu dəfə baş memarı işdən ÇIXARDI
Göygöl Rayon İcra Hakimiyyətinin (RİH) Baş memarı vəzifəsindən azad edilib.
İqtisadiyyat.аz məlumat verir ki, bununla bağlı icra başçısı Vüqar Novruzov müvafiq əmr imzalayıb.
Əmrə əsasən, RİH-in Baş memarı Vüqar Hacıyev vəzifəsindən azad edilib. Hazırda bu vəzifə vakansiyaya çıxarılıb.
Qeyd edək ki, icra başçısı daha öncə 5 əməkdaşı, o cümlədən sürücünü də işdən azad etmişdi.
Xatırladaq ki, V.Novruzov ötən ilin noyabrın 12-də Prezident İlham Əliyevin imzaladığı sərəncamla Naftalan Şəhər İcra Hakimiyyətinin başçısı vəzifəsindən azad edilərək Göygöl Rayon İcra Hakimiyyətinin başçısı təyin olunub.
