Ağsu şəhərində Milli Qəhrəman Şamil Ramazanovun xatirəsinə həsr olunan uşu üzrə uşaq, yeniyetmə və gənclər arasında klublararası turnir keçirilib.
Gencexeber.az-ın məlumatına görə, yarış Ağsu İdman Kompleksində Azərbaycan Uşu Federasiyasının və Dağlıq Şirvan Regional Gənclər və İdman İdarəsinin birgə təşkilatçılığı ilə baş tutub.
Azərbaycan Döyüş Federasiyaları Assosiasiyası (ADFA) Qərb Filialının Regional sədri, Əməkdar məşqçi, Fəxri Bədən Tərbiyəsi və İdman İşçisi İlqar Alıyevin rəhbərliyi ilə regiondan 7 idmançı turnirdə iştirak edib. Onlar ümumilikdə 4 qızıl və 3 gümüş medal qazanaraq böyük uğura imza atıblar.
I yer:
Tunar Vəliyev (52 kq) - məşqçi İlqar Alıyev;
İnayət Abdullayev (52 kq) – məşqçi İlqar Alıyev;
Əli Cabbarlı (48 kq) – məşqçi Elvin Quliyev;
Hüseyn Sultanmədli (48+ kq) – məşqçi İlqar Alıyev.
II yer:
Yusif Kamaloğlu (42 kq) – məşqçi İlqar Alıyev;
Röyal Məmmədov (45 kq) - məşqçi İlqar Alıyev;
Tunar Əliyev (48 kq) – məşqçi İlqar Alıyev.
İdmançılar diplom və medallarla təltif olunublar.
Turnirdə Gəncə şəhərindən beynəlxalq dərəcəli hakim Namazlı Fəxri, "Çempion Uşu" klubunun baş məşqçisi Elvin Quliyev və Respublika dərəcəli hakim Rəhimov Rəşad iştirak ediblər.
