"Qobu Park-1"də yanğında həlak olan ana və övladları dəfn edilib.
Qafqazinfo.аz xəbər verir ki, Zülfiyyə Yusifova və onun övladları - 2016-cı il təvəllüdlü Yusif Yusifov, eləcə də 2019-cu il təvəllüdlü Məryəm Yusifova Gədəbəy rayonunda dəfn olunublar.
Qeyd edək ki, hadisə Bakı şəhərinin Lökbatan qəsəbəsində yerləşən "Qobu Park-1" yaşayış massivində baş verib. İlkin araşdırma nəticəsində yanğının Kəlbəcər rayonundan keçmiş məcburi köçkün Emin Həmidovun müvəqqəti məskunlaşdığı mənzildə baş verdiyi müəyyən edilib.
Yanğın nəticəsində meydana gələn qatı tüstü nəticəsində binanın 9-cu mərətəbəsindəki 86-cı mənzildə yaşayan, Füzuli rayonundan keçmiş məcburi köçkün Yusifov Əkrəm Əşrəf oğlunun həyat yoldaşı 1998-ci il təvəllüdlü Yusifova Zülfiyyə Ramiq qızı və onun övladları 2016-cı il təvəllüdlü Yusif Yusifov və 2019-cu il təvəllüdlü Məryəm Yusifova, həmçinin 9-cu mərtəbədəki 88-ci mənzildə yaşayan Füzuli rayonundan keçmiş məcburi köçkün 1953-cü il təvəllüdlü Yusif Hüseynov həyatlarını itiriblər.
