"Bəzi dövlət qurumları və səhiyyə müəssisələrində fərqli növbə sistemlərinin və kağız əsaslı metodların tətbiqi vətəndaşların narazılığına səbəb olur".
Gencexeber.az bildirir ki, bunu Milli Məclisin Gəncədən olan deputatı Naqif Həmzəyev deyib.
Millət vəkili söyləyib ki, uğur qazanan rəqəmsal həllərə üstünlük verilməli və elektron növbə sistemlərinin tətbiqi sürətləndirilməlidir:
"Xəstəxana və poliklinikalarımızda elektron növbə sistemlərinin tətbiqi gecikir. Dəfələrlə fərqli xəstəxanalarda olmuşam, gördüyüm mənzərə heç də ürəkaçan olmayıb. Müasir dövrdə kağız və köhnə üsullarla növbə təşkil etmək effektiv deyil. MyGov platforması vasitəsilə səhiyyə xidmətlərinin sayının artırılması və növbə sistemlərinin tətbiqi zəruri olmalıdır".
