Xan Bağında Gəncə şəhər Mənzil Kommunal Təsərrüfatı İstehsalat Birliyi (MKTIB) tərəfindən təmizlik aksiyası keçirilib.
Gencexeber.az bildirir ki, qurumun əməkdaşları və xüsusi təyinatlı texnikaları vasitəsilə, parkın mövcud yaşıllıq zolağına aqrotexniki qulluq göstərilib, istirahət məkanında sağlam iqlimin qorunub saxlanılması istiqamətində bir sıra qabaqlayıcı tədbirlər həyata keçirilib.
Belə ki, MKTİB tərəfindən, parkın döşəmələri, oturacaqları, fəvvarələri, gül qabları və zibil qutuları təzyiqli su vasitəsilə yuyularaq təmizlənib, mövcud yaşıllıqlara aqrotexniki qulluq göstərilib, suvarılması təmin edilib.
İstirahət məkanının suvarılmasını təmin edən, hidrotexniki qurğulara və təbii arxlara qulluq göstərilib.
