Bu gün xalq artistlərindən birinin doğum günüdür. Bu haqda Gencexeber.az 8 iyul tarixində məlumat verir.
Söhbət teatr aktyoru Zülfüqar Baratzadədən gedir. Xalq artisti 93 il öncə, 8 iyul 1931-ci ildə Gəncədə anadan olub. O, Əvvəllər Gəncə Dövlət Filarmoniyasında rəqqas fəaliyyəti göstərib. 1949-cu ildə Gəncə Dövlət Dram Teatrının truppasına daxil olub.
1971-ci ildə Azərbaycan SSR Əməkdar artisti, 10 il sonra isə Azərbaycan SSR Xalq artisti adlarına layiq görülüb.
Aktyor “Yenilməz batalyon”, “Yeni evlənənlər”, “Bəyin oğurlanması”, “Ölsəm... bağışla”, “Qətl günü” filmlərində rol alıb. Həmçinin bir sıra teatr tamaşalarında fərqli obrazları canlandırıb.
Xalq artisti Zülfüqar Baratzadə 11 fevral 1991-ci ildə 60 yaşında dünyasını dəyişib.
