Gəncədə aksiya təşkil olunacaq. Bu haqda 12 iyul tarixində 1 saylı Vəkil Bürosuna istinadən məlumat veririk.
Sosial təşəbbüs 1 saylı Vəkil Bürosu tərəfindən həyata keçiriləcək. Hüquqi yardım 13 iyul tarixində saat 11:00-dan 16:00-dək davam edəcək.
Burada Gəncədə və ətraf rayonlarda yaşayan aztəminatlı əhaliyə, həmçinin şəhid ailələrinə və Vətən müharibəsi iştirakçılarına ödənişsiz xidmət göstəriləcək.
Görüş büronun inzibati binasında təşkil olunacaq.
Ünvan: Cavad xan küçəsi, 53.
