Gəncə şəhərində Uşu idman növü üzrə məşqçilik fəaliyyətində olan müəllimlər seminarda iştirak ediblər. Bu haqda 30 iyul tarixində Regional Gənclər və İdman İdarəsinə istinadən xəbər veririk.
Quba Olimpiya İdman Kompeksində Uşu idman növü üzrə açıq seminar (açıq dərs) keçirilib. Seminara Azərbaycan Uşu Federasiyasının prezidenti, Uşu idman növü üzrə 6-cı dan Azər Həsənsoy rəhbərlik edib.
Məşqçilik fəaliyyəti göstərən müəllimlərimiz seminarda iştirak edərək, sertifikatla təltif olunublar. Onlar Namazlı Fəxri, Əliyev Pərviz, Quliyev Elvin, Bayramov Talıb, Əliyev Baxışəli, Rəhimov Rəşad və Cabbarlı Əlidir.
Açıq dərs Azərbaycan Respublikasının Gənclər və İdman Nazirliyi, Çin Döyüş Növləri Assosiasiyası və Azərbaycan Uşu Federasiyasının birgə təşkilatçılığı ilə baş tutub.
