Gəncədə tibbi aksiya baş tutacaq. Bu haqda 15 iyul tarixində İcbari Tibbi Sığorta üzrə Dövlət Agentliyinə istinadən məlumat veririk.
Səyyar tibbi müayinə aksiyası İcbari Tibbi Sığorta üzrə Dövlət Agentliyi, Tibbi Ərazi Bölmələrini İdarəetmə Birliyi (TƏBİB) və Koreya Beynəlxalq Əməkdaşlıq Agentliyinin (KOICA) Azərbaycan Nümayəndəliyinin birgə təşkilatçılığı, KOICA Azərbaycanlı Məzunlar Assosiasiyasının maliyyə dəstəyi ilə keçiriləcək. Təşəbbüs uşaqlar üçün nəzərdə tutulub.
Burada paytaxt və regionlardakı tibb müəssisələrindən dəvət olunmuş pediatr, radioloq, uşaq cərrahı ixtisasları üzrə çalışan 7 həkim müayinə aparacaq.
Aksiya iki gün müddətində, 26-27 iyul tarixlərində saat 10:00-dan 17:00-dək Gəncə Birləşmiş Xəstəxanasında təşkil olunacaq.
