Gəncəli şahmatçının olimpiadada mübarizəsi davam edir.
Gencexeber.az-ın məlumatına görə, Budapeştdə təşkil olunan 45-ci Ümumdünya Şahmat Olimpiadasının VII turu baş tutub. Burada Azərbaycanın qadınlardan ibarət yığması qazaxıstanlı şahmatçılarla üz-üzə gəlib.
Gəncənin yetirməsi olan Ülviyə Fətəliyevanın rəqibi Meruert Kamalidenova olub. Görüş təmsilçimizin məğlubiyyəti ilə yekunlaşıb.
VII turun nəticələrinə əsasən, Qazaxıstan yığması millimiz üzərində 3:1 hesablı qələbə qazanıb.
Qeyd edək ki, qadınlardan ibarət komandamız öncəki görüşlərdə Sloveniya (3:1), Nikaraqua (4:0), Avstraliya (3:1) və Vyetnamdan (2,5:1,5) üstün olub, Argentina və Ukrayna ilə heç-heçə edib - 2:2.
