Moskvanın Domodedovo Beynəlxalq Aeroportundan uçmalı olan "U6 2411" Moskva–Gəncə aviareysi 5 saatdan artıqdır ki, gecikir.
Gencexeber.az-ın məlumatına görə, gecikmə yalnız bu reyslə məhdudlaşmayıb. Eyni hava gəmisi ilə əks istiqamətdə həyata keçirilməli olan "U6 2412" Gəncə–Moskva reysi də vaxtında icra olunmur.
Məlumata görə, hər iki aviareys "Ural Airlines" aviaşirkətinə məxsusdur. Moskvadan Gəncəyə uçmalı olan sərnişinlərin dəqiq sayı bilinməsə də, Gəncədən Moskvaya uçuşu gözləyən 112 sərnişinin olduğu bildirilir.
Hazırda gecikmənin səbəbi ilə bağlı rəsmi açıqlama verilməyib. Sərnişinlər reyslərin yerinə yetirilməsini gözləyirlər.
