Azərbaycan Memarlıq və İnşaat Universitetinin (AzMİU) Mexanika və informasiya texnologiyaları fakültəsinin gəncəli tələbəsi Kamran Süleymanov Orhun Mübadilə Proqramı çərçivəsində 2025/2026-cı tədris ilinin payız semestrində təhsilini Qazaxıstan və Mərkəzi Asiyanın ən reytinqli ali təhsil ocaqlarından olan Əl-Fərabi Qazax Milli Universitetində (QS 166) İnformasiya sistemləri ixtisası üzrə davam etdirir.
Gencexeber.az-ın məlumatına görə, Gəncə şəhər 4 nömrəli tam orta məktəbi qırmızı attestatla bitirən Kamran Qazaxıstanda təhsil almaqla yanaşı, ölkənin mədəni və təbii irsini də yaxından öyrənməyə çalışır.
İndi Kamran Süleymanov Qazaxıstanın elm mühitində Azərbaycanın adını qürurla ucaldır, bilik, mədəniyyət və türk birliyi dəyərlərini təmsil edir.
