Ölkəmizin qərb bölgəsini təmsil edən “Turan Tovuz” futbol klubu “Şamaxı” FK ilə qarşılaşıb.
Gencexeber.az məlumat verir ki, Azərbaycan Premyer Liqasının 8-ci turu çərçivəsində Şamaxı şəhər stadionunda baş tutan oyun 2:2 hesablı heç-heçə ilə yekunlaşıb.
Görüşdə ilk qolu 6-cı dəqiqədə "Turan Tovuz"un hücumçusu Sadiq Şəfiyev rəqib qapısından keçirib. Üstünlüyünü qoruya bilməyən tovuzlular ikinci hissənin 46 və 90-cı dəqiqələrində qapısından iki top keçirərək hesabda geri düşüblər. Lakin oyunun son dəqiqəsində “Şamaxı”nın qapısına təyin olunan 11 metrlik cərimə zərbəsi qərbliləri məğlubiyyətdən xilas edib.
Qeyd edək ki, Kurban Berdiyevin yetirmələri səkkiz turdan sonra 15 xalla turnir cədvəlinin üçüncü pilləsində qərarlaşıblar.
