"Fəxri adlarla bağlı real düşünən insanam. Ümumiyyətlə, ad verilməsinin əleyhinəyəm. Niyə görə? Mən heç vaxt eşitməmişəm desinlər ki, "Amerikanın xalq artisti Maykl Cekson". Biz niyə elm təhsil, səhiyyə dalınca inkişaf etmiş ölkələrə gedirik? Onların təcrübələrindən istifadə etməliyik. İnkişaf etmiş ölkələrdə necə ki, adlar yoxdur, bizdə də olmamalıdır".
Bunu moderator.аz-a açıqlamasında qazaxlı müğənni Afət Fərmanqızı deyib.
O bildirib ki, toyda oxuyanların fəxri ad alması düzgün deyil:
"Özüm üçün gedib oxuyub pul qazanıramsa, mənə niyə dövlət ad verməlidir ki? Mən özüm üçün pul qazanıram, güzəranımı yaxşı edirəm. Mən özümdən misal çəkirəm, həm də o ad almaq istəyənlərə deyirəm. Xeyir ola, siz ad almalısınız? Kim toy oxuyub fəxri ad alıbsa, bu onlara düşmür. Ya da kim toy oxuyubsa, illərdir özü üçün var-dövlət yığıbsa o ad almamalıdır, gedib yaxşı vergi verməlidir. Gedib vergilərini versinlər, ondan sonra ad barədə fikirləşərlər.
