Bakı Ali Neft Məktəbinin (BANM) rektoru Elmar Qasımovun rəhbərlik etdiyi nümayəndə heyəti Azərbaycan Dövlət Aqrar Universitetinə (ADAU) işgüzar səfərə gəlib.
Gencexeber.az bildirir ki, səfər çərçivəsində Gəncə Memorial Kompleksi, Nizami Gəncəvi məqbərəsi, Butulkalı ev və Gəncə Şəhər Ekoloji Park Kompleksi ziyarət olunub.
Həmçinin qonaqlar ADAU-nun Tədris-təcrübə təsərrüfatında olub, burada tədris və istehsal prosesinin təşkili, mövcud infrastruktur və tələbələrin praktik biliklərinin artırılması istiqamətində görülən işlərlə tanış olublar.
Sonda BANM-in nümayəndə heyəti Azərbaycan Xalq Cümhuriyyəti Muzeyini ziyarət edib.
Qeyd edək ki, təhsil sahəsində fəaliyyət göstərən sosial şəbəkə hesablarının rektorlarla bağlı keçirdikləri sorğularda Elmar Qasımov hər zaman tələbələr tərəfindən yüksək qiymətləndirilib və tərifə layiq görülüb.
