Tovuz rayonu Xatınlı kəndinə çağırışa gedən təcili tibbi yardım briqadası doğuş prosesini evdə icra edib.
Gencexeber.az bildirir ki, çağırış ünvanında təcili tibbi yardım heyəti tərəfindən 34 həftəlik hamilə olan qadının doğuş prosesi idarə olunub. Doğuşun ilkin mərhələsi birbaşa yaşayış ünvanında baş verib, daha sonra isə proses təcili tibbi yardım avtomobilində nəzarətdə saxlanılıb.
Təcili tibbi yardım briqadası tərəfindən ana və yenidoğulmuşa (oğlan) zəruri ilkin tibbi yardım göstərildikdən sonra müvafiq tibb müəssisəsinə təxliyə olunub.
Körpə oğlandır, çəkisi 1 kq. 800 qr., boyu 46 sm-dir. Ana və körpənin vəziyyəti qənaətbəxş qiymətləndirilir.
