Gəncədə qətl törədən şəxsin işi məhkəməyə göndərilib. Bu haqda 19 iyul tarixində Report-a istinadən məlumat veririk.
Söhbət Yaqub Həsənovdan gedir. Bu il 25 yanvar tarixində o, 38 yaşlı tanışı Vasif Həsənovu öldürməkdə şübhəli bilinib. Tərəflər arasında yaranmış mübahisə zamanı Yaqubun sonuncunu yaxın qohumlarının gözləri qarşısında bıçaqla xəsarət yetirərək qəsdən öldürməsi ilə bağlı araşdırma başlanılıb.
Yaqub Həsənova Cinayət Məcəlləsinin xüsusi amansızlıqla qəsdən adam öldürmə maddəsi ilə yekun ittiham elan edilib. Müstəntiqin vəsatəti, ibtidai araşdırmaya prosessual rəhbərliyi həyata keçirən prokurorun təqdimatı əsasında barəsində məhkəmənin qərarı ilə həbs qətimkan tədbiri seçilib.
Cinayət işi baxılması üçün Gəncə Ağır Cinayətlər Məhkəməsinə göndərilib.
