Ağstafa rayonundan olan aktyor ölümdən dönüb.
Lent.az məlumat verir ki, söhbət Akademik Milli Dram Teatrının aktyoru Cümşüd Zeynalovdan gedir. Onun sözlərinə görə, yanlış müalicə nəticəsində səhhətində ciddi problem yaranıb və əməliyyat olunub.
“Bağırsağımda daxildə iltihab yaranıbmış. Bunu bilməyib yanlış müalicə ediblər. 10 gün qızdırmam 40 dərəcədən düşmədi. Başqa bir həkimə getdim, dedi dərhal əməliyyat olunmalısan. Kəskin paraproktit diaqnozu qoyuldu. Evə hazırlıq üçün gəldim. Elə həmin gün daxildə bağırsaq partladı. Əməliyyat olundum. Cərrah Seymur Xəlilov məni ölümdən qurtardı. İndi çox şükür yaxşıyam. Evdə müalicəm davam edir”, – deyə aktyor bildirib.
Qeyd edək ki, Cümşüd Zeynalov 1982-ci il oktyabrın 2-də Ağstafanın Həsənsu kəndində doğulub. 2012-ci ildən Azərbaycan Akademik Milli Dram Teatrında çalışır.
