Göygöl rayonunda 1981-ci il təvəllüdlü Kamal tanışı Vidadiyə xəsarət yetirib.
Demokrat.аz xəbər verir ki, hadisə 2024-cü ildə avqustun 20-də rayonun Toğanalı kəndində baş verib. Kamal həmin gün saat 14:30-da kənd ərazisində tanışı Vidadi ilə mübahisə edib. Buna səbəb Vidadinin işlətdiyi "101" adlanan kafeyə gələn suyun Kamal tərəfindən kəsilməsini bəhanə edərək onu söyməsi olub. Kamal mübahisə zamanı yumruqla Vidadinin sol göz nahiyəsindən vurub. Sonra yerdən götürdüyü daşları Vidadiyə ataraq ona müxtəlif dərəcəli xəsarətlər yetirib.
Hadisəni törədən Kamalın barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
İş üzrə ifadə verən Kamal ona elan olunmuş ittiham üzrə özünü təqsirli bilib.
Göygöl Rayon Məhkəməsinin hökmü ilə Kamal 1 il müddətinə azadlığın məhdudlаşdırılmаsı cəzаsınа məhkum edilib.
Təqsirləndirilən şəxsin yaşayış yerini saat 23:00-dan saat 07:00-dək tərk etməsinə və yaşadığı Göygöl rayonu, həmçinin Gəncə şəhəri ərazi hüdudlarını cəza çəkdiyi müddət ərzində tərk etməsinə məhdudiyyət qoyulub.
Bundan əlavə onun üzərinə elektrоn nəzаrət vаsitəsini gəzdirmək və həmin vаsitənin işlək vəziyyətdə sаxlаnılmаsı üçün оnа xidmət etmək, müvаfiq məhkəmə qərаrı оlmаdаn yаşаyış yerini dəyişdirməmək vəzifələri qоyulub.
