Gəncədə Sevinc qəsəbəsinin Zahir Hüseynov küçəsində işıqlandırılma sistemi yoxdur.
Məsələ ilə bağlı Gencexeber.az-a şikayət ünvanlayan sakinlərin sözlərinə görə, küçədə işıqların olmaması səbəbindən ərazidə göz gözü görmür.
"Bu cür hal yolda qəza riskini artırır, təhlükəsizliyi azaldır. Problem uzun müddətdir davam edir və dəfələrlə müraciət olunmasına baxmayaraq, dərdimizə çarə qılan yoxdur", - gəncəlilər bildiriblər.
Sakinlər aidiyyəti qurumlardan sözügedən küçədə işıqlandırma sisteminin qurşadırılmasını tələb edirlər.
