Göygöldə kişi başından bıçaqlanıb.
Lent.аz xəbər verir ki, hadisə rayon ərazisində yerləşən kafelərin birində baş verib.
Belə ki, kafedə dava zamanı Bakı şəhər sakini, 29 yaşlı Ramin Həsənli (ad soyad şərtidir) başından bıçaqlanıb.
Yaralı dərhal xəstəxanaya yerləşdirilib.
İlkin məlumata görə, sözügedən kafedə xəsarət alan Ramin Həsənli ilə Gəncə şəhər sakini, 26 yaşlı Ülvi Alışov (ad soyad şərtidir) arasında dava düşüb. Dava zamanı sonuncu Bakı şəhər sakini Ramin Həsənlinin başına bıçaqla xəsarət yetirib.
Məlumata görə hər iki şəxs sərxoş olub.
Hadisə ilə bağlı polis tərəfindən araşdırma aparılır.
