Gəncədə Şəddadilər küçəsindəki asfalt örtüyü sakinlərin narazılığına səbəb olub.
Gencexeber.az-a daxil olan şikayətə əsasən, sözügedən küçədə asfalt örtüyü tamamilə sıradan çıxıb, çuxurlar əmələ gəlib, bu da sürücülər üçün çətinlik yaradır.
Sürücülərin sözlərinə görə, şəhərdə aparılan asfaltlanma işləri zamanı bu küçəni görməzdən gəliblər:
"Bura paralel bir neçə küçədə eyni vəziyyətdədir. Hərəkətin intensiv olduğu bu ərazidə asfaltlanma işlərinin aparılmasını tələb edirik. Bir ay ərzində maşınları dəfələrlə usta yanına aparmaq məcburiyyətində qalırıq. Aidiyyəti qurumlardan xahiş edirik ki, bu küçəyə əncam çəksinlər".
