Şəmkir sakini Ədalət Museyibov cücə çıxarmaq üçün yumurta aldığı həmyerlisi Elçin Salmanovu məhkəməyə verib.
Teleqraf.аz xəbər verir ki, buna səbəb Elçinin Ədaləti təhqir etməsi olub.
Belə ki, Ə.Museyibov tanışının vasitəsilə Elçindən birinin qiyməti 3 manat olan 30 ədəd dekorativ toyuq yumurtası alıb. Razılaşmaya əsasən, Ədalət qarşı tərəfə 40 manat verib, 50 manatı da cücələrin çıxmasından sonra ödəyəcəyini bildirib.
Bir müddət sonra həmin yumurtalardan cəmi 8-dən cücə çıxdığı üçün Ədalət Elçinə yerdə qalan 50 manatı ödəməyib. Borcla bağlı təşkil olunan görüşdə isə Elçin 50 manatı vermədiyinə görə Ədaləti bir neçə nəfərin yanında təhqir edib.
Bundan sonra Ədalət Museyibov xüsusi ittiham qaydasında məhkəməyə üz tutub və Elçini bağışlamayacağını bildirib.
Şəmkir Rayon Məhkəməsinin qərarına əsasən, Elçin Salamov 1000 manat məbləğində cərimə edib.
